హైదరాబాద్, 16 ఆగస్టు (హి.స.)

రాష్ట్రంలో భవిష్యత్తులో రాబోయే అంటువ్యాధులు మరియు ప్రజారోగ్య అత్యవసర పరిస్థితులను (Public Health Emergencies) ఎదుర్కొనేందుకు వీలుగా వైద్య ఆరోగ్య శాఖ నేడు ఒక వినూత్నమైన కార్యక్రమాన్ని ప్రారంభించింది. రాష్ట్రవ్యాప్తంగా ఎంపిక చేసిన జిల్లాల్లో భారీ ఎత్తున హెల్త్ సిమ్యులేషన్ ఎక్సర్‌సైజ్‌లను (Mock Drills) నిర్వహించాలని హెల్త్ అండ్ ఫ్యామిలీ వెల్ఫేర్ శాఖ కమిషనర్ ఈ ఉదయం ఉత్తర్వులు జారీ చేశారు. ముఖ్యంగా పశ్చిమ గోదావరి జిల్లా భీమవరంలో ఆగస్టు 20, 21 తేదీల్లో అత్యంత ప్రమాదకరమైన 'ఏవియన్ ఇన్‌ఫ్లుయెంజా' (బర్డ్ ఫ్లూ) వ్యాప్తిని అరికట్టేలా ఈ ప్రత్యేక డ్రిల్ నిర్వహించనున్నారు. ఏదైనా కొత్త వైరస్ లేదా ఇన్ఫెక్షన్ సోకినప్పుడు ప్రభుత్వ యంత్రాంగం, వైద్యులు మరియు పారామెడికల్ సిబ్బంది ఎంత వేగంగా స్పందించాలనే అంశంపై ఈ సిమ్యులేషన్ ద్వారా పరీక్షించనున్నారు. దేశంలోనే ఈ తరహా అత్యాధునిక హెల్త్ డ్రిల్ నిర్వహించడం ఆంధ్రప్రదేశ్‌లోనే మొదటిసారి కావడం గమనార్హం

---------------

హిందూస్తాన్ సమచార్ / Santhosha Laxmi