అమరావతి , 25 సెప్టెంబర్ (హి.స.)

రాయలసీమ ప్రాంతాన్ని ప్రపంచ స్థాయి ఉద్యాన పంటల కేంద్రంగా అభివృద్ధి చేయాలన్న ప్రణాళికను ముఖ్యమంత్రి చంద్రబాబు నాయుడు ప్రకటించారు. కరువు పరిస్థితులకు ఎక్కువగా గురయ్యే రాయలసీమలో వ్యవసాయాన్ని సంప్రదాయ పంటలకే పరిమితం చేయకుండా అధిక విలువ కలిగిన ఉద్యాన పంటలు, ప్రాసెసింగ్, ఎగుమతులు, ఆధునిక వ్యవసాయ సాంకేతికతతో అనుసంధానం చేయాలని ప్రభుత్వం భావిస్తోంది.

రాయలసీమలోని వాతావరణ పరిస్థితులు, నేలల స్వభావం, ఉద్యాన పంటలకు అనుకూలమైన ప్రాంతాలను గుర్తించి ప్రత్యేక క్లస్టర్లుగా అభివృద్ధి చేయాలని ప్రభుత్వం భావిస్తోంది. పండ్ల ఉత్పత్తి పెంచడంతో పాటు వాటిని నిల్వ చేయడం, ప్రాసెసింగ్ చేయడం, ప్యాకేజింగ్, మార్కెటింగ్, ఎగుమతులకు అనుసంధానం చేయడం ద్వారా రైతులకు మెరుగైన మార్కెట్ అవకాశాలు కల్పించాలనే లక్ష్యాన్ని ప్రభుత్వం ముందుకు తెచ్చింది.

---------------

హిందూస్తాన్ సమచార్ / పుట్టా సుమన్