హైదరాబాద్ , 26 సెప్టెంబర్ (హి.స.)తెలంగాణ ముఖ్యమంత్రి ఎ. రేవంత్రెడ్డి నేడు ఢిల్లీ పర్యటనకు సిద్ధమయ్యారు. ముఖ్యమంత్రిగా బాధ్యతలు చేపట్టిన తర్వాత ఆయన జాతీయ రాజధానికి వెళ్లడం ఇది 78వసారి అని పలు నివేదికలు పేర్కొన్నాయి. రాష్ట్రానికి సంబంధించిన పలు పెండింగ్ అంశాలు, కేంద్ర అనుమతులు, ప్రాజెక్టులకు అవసరమైన సహకారం వంటి అంశాలు ఈ పర్యటనలో ప్రాధాన్యం పొందే అవకాశం ఉంది.

తెలంగాణకు సంబంధించిన పలు మౌలిక వసతుల ప్రాజెక్టులు కేంద్ర స్థాయిలో అనుమతులు లేదా ఆర్థిక సహకారం కోసం ఎదురుచూస్తున్న నేపథ్యంలో ముఖ్యమంత్రి ఢిల్లీ పర్యటనకు ప్రాధాన్యం ఏర్పడింది. హైదరాబాద్ మెట్రో ఫేజ్–2తో పాటు ఇతర అభివృద్ధి కార్యక్రమాలపై కేంద్రంతో రాష్ట్రం చర్చలు జరుపనున్నారు.

---------------

హిందూస్తాన్ సమచార్ / పుట్టా సుమన్