మాలే: ఏప్రిల్ 21 (హిం.స) ద్వీపదేశం మాల్దీవులో నేడు పార్లమెంట్ ఎన్నికలు జరుగుతున్నాయి. ఇవి ఆ దేశ అధ్యక్షుడు ముయిజ్జు పాలనపై ప్రజా తీర్పుగా భావిస్తున్నారు. ఆయన అధికారం చేపట్టాక భారత వ్యతిరేక వైఖరిని అనుసరించారు. ఈ క్రమంలో అక్కడున్న మన బలగాలను వెనక్కి పంపించారు. మరియు చైనా ప్రభుత్వ యాజమాన్యంలోని కంపెనీలకు కీలక కాంట్రాక్టులను కట్టబెట్టారు. ఈ చర్యలను ప్రస్తుతం ఆ దేశ పార్లమెంటు సభ్యులు మాత్రం ముయిజ్జు తీరును తీవ్రంగా వ్యతిరేకించారు. అతడి చర్యలును అడ్డుకోవడానికి మాజీ అధ్యక్షుడు ఇబ్రహీం మొహమ్మద్ సోలిహ్ కలిసి పనిచేస్తున్నారు.ముయిజ్జు సీనియర్ సహాయకుడు ఓ వార్తా సంస్థతో

మాట్లాడుతూ “ఈ ఎన్నికల్లో భౌగోళిక రాజకీయాలు చాలా కీలక పాత్ర పోషిస్తున్నాయి. భారత సైన్యాన్ని

వెనక్కి పంపిస్తానని హామీ ఇచ్చి ముయిజ్జు అధికారంలోకి వచ్చారు. ఆ దిశగా ప్రయత్నించారు. కానీ, పార్లమెంటు

ఆయనకు సహకరించడం లేదు. ఆయన ఎంపిక చేసిన మంత్రులకు వ్యతిరేకంగా ఓటేసి వారి పదవులు పోయేలా చేసింది” అని తెలిపారు. ఈ వ్యాఖ్యలను బట్టి ముయిజ్జు పార్టీ కూడా ఈ ఎన్నికలను తమ పాలనకు కఠిన పరీక్షగా భావిస్తోందని విశ్లేషకులు అంచనా వేస్తున్నారు.

దాదాపు 2,85,000 మంది ఆదివారం నాడు తమ ఓటు హక్కును వినియోగించు కుంటున్నారు. కాగా వీటి ఫలితాలు సోమవారం విడుదల కానున్నాయి.

రంజిత్ కుమార్ హిందుస్థాన్ సమాచారం