అండమాన్ నికోబార్, 12 సెప్టెంబర్ (హి.స.)

అండమాన్ నికోబార్ పోలీసులు

డ్రగ్స్పై ఉక్కుపాదం మోపారు. భారీ హెరాయిన్ నెట్ వర్ను ఛేదించారు. 2.075 కిలోల బరువున్న డ్రగ్స్ ను స్వాధీనం చేసుకున్నారు. ఈ వివరాలను సౌత్ అండమాన్ ఎస్పీ నిహారక భట్ గురువారం వెల్లడించారు. ఓ వ్యక్తి వద్ద భారీగా హెరాయిన్ ఉందని గత నెల 24న పోలీసులకు ఇన్ఫర్మేషన్ అందింది. దీంతో పక్కా సమాచారం మేరకు గాలింపు చర్యలు చేపట్టి ఆ వ్యక్తిని అరెస్టు చేశారు. ఆయన వద్ద నుంచి 1.295 కేజీల హెరాయిన్ గుర్తించారు. ఈ క్రమంలోనే నిందితుడిని అరెస్టు చేసి విచారణ చేపట్టగా.. మరో ముగ్గురి గురించిన సమాచారం ఇచ్చారు. ఈ నేపథ్యంలోనే తాజాగా కోల్కతాలో జరిపిన సోదాల్లో 798 గ్రాముల హెరాయిన్ లభ్యమైంది. మొత్తంగా సీజ్ చేసిన హెరాయిన్ విలువ అంతర్జాతీయ మార్కెట్లో రూ.14కోట్లు ఉంటుందని అంచనా వేస్తున్నారు. ఈ కేసులో ఏడుగురు నిందితులను పోలీసులు అరెస్టు చేశారు. వారిపై కేసు నమోదు చేసి దర్యాప్తు చేపట్టినట్టు తెలిపారు.

---------------

హిందూస్తాన్ సమచార్ / బచ్చు రంజిత్ కుమార్, జర్నలిస్ట్