ఏ.పీ /తెలంగాణ, 8 జనవరి (హి.స.)

2024 జనవరి నుంచి 2024 డిసెంబర్ 31 వరకు దేశంలో జరిగిన వివిధ రోడ్డు ప్రమాదాల్లో దాదాపు 1.80 లక్షల మరణాలు సంభవించాయని కేంద్ర మంత్రి నితిన్ గడ్కరీ తెలిపారు. న్యూఢిల్లీలో నేడు అన్ని రాష్ట్రాలు, కేంద్ర పాలిత ప్రాంతాల రవాణా మంత్రులతో రోడ్డు భద్రతపై కార్యక్రమం జరిగింది. ఈ సందర్భంగా కేంద్ర మంత్రి గడ్కరీ విలేకరుల సమావేశంలో మాట్లాడుతూ.. 2024 లో రోడ్డు ప్రమాదాల్లో 1.80 లక్షల మంది మృతి చెందినట్లు తెలిపారు. వీరిలో హెల్మెట్ ధరించకపోవడం వల్ల దాదాపు 30 వేల మంది చనిపోయారు అని, మొత్తం మరణాల్లో 66 శాతం మరణాలు 18 నుండి 34 సంవత్సరాల మధ్య వయసులో ఉన్నవారు ఉన్నారని ఈ సందర్భంగా ఆయన నొక్కిచెప్పారు. పాఠశాలలు, కళాశాలల ముందు ఎగ్జిట్-ఎంట్రీ పాయింట్ వద్ద సరైన ఏర్పాట్లు లేకపోవడం వల్ల సుమారు 10,000 మంది పిల్లలు మరణించారని ఈ సమావేశంలో గడ్కరీ తెలిపారు.

---------------

హిందూస్తాన్ సమచార్ / బచ్చు రంజిత్ కుమార్, జర్నలిస్ట్