మలప్పురం: 9 జనవరి (హి.స.)కేరళలోని మలప్పురం జిల్లా తిరూర్‌ సమీప మసీదులో నిర్వహిస్తున్న ఓ ఆధ్యాత్మిక వేడుకలో ఏనుగు ఉన్మాదంగా దాడికి పాల్పడటంతో జరిగిన తొక్కిసలాటలో 23 మంది గాయపడ్డారు. వీరిలో ఏనుగు తొండంతో ఎత్తి గిరాటు వేసిన ఒక వ్యక్తి పరిస్థితి విషమంగా ఉన్నట్లు పోలీసులు తెలిపారు. బుధవారం మధ్యాహ్నం ఈ ఘటన జరిగింది. వేడుక కోసం ప్రత్యేకంగా అలంకరించిన అయిదు ఏనుగులను తెచ్చి వరుసగా నిలబెట్టారు. ఇందులో ఓ ఏనుగు జనసమూహాన్ని చూసి రెచ్చిపోయి గుంపు మీదకు దూసుకుపోయింది. మావటీల ప్రయత్నంతో కాసేపటికి అది శాంతించింది.

---------------

హిందూస్తాన్ సమచార్ / నాగరాజ్ రావు