ముంబై, 26 మార్చి (హి.స.)

బంగారం కొనాలనుకునే వారికి శుభవార్త అందింది. వరుసగా రేట్లు పడిపోతున్నాయి. ఇప్పుడు గత 5 రోజుల్లో ఒక రోజు స్థిరంగా ఉండగా.. మిగతా 4 రోజులు రేట్లు దిగొచ్చాయని చెప్పొచ్చు. ఇంటర్నేషనల్ మార్కెట్లో మాత్రం స్థిరంగానే ఉన్నాయి. ఇప్పుడు ఎక్కడ గోల్డ్, సిల్వర్ రేట్లు ఎలా ఉన్నాయో తెలుసుకుందాం.

బంగారం ధరలు ఎప్పటికప్పుడు పెరుగుతూనే ఉన్నాయి. బంగారం ధరలు ఒకరకంగా పసిడి ప్రియులను భయపెడుతున్నాయి. ఈ మధ్య కాలంలో పెరిగినంత స్థాయిలో గతంలో ఎన్నడూ ధరలు పెరుగుదల లేదని వ్యాపారులు కూడా చెబుతున్నారు. బంగారం, వెండి డిమాండ్ ఏ మాత్రం తగ్గకపోవడంతో పాటు వివిధ దేశాల నుంచి దిగుమతి కావాల్సిన బంగారం దిగుమతి కాకపోవడంతో దాని ప్రభావం ధరలపై పడుతుందని మార్కెట్ నిపుణులు అంచనా వేస్తున్నారు. ప్రపంచంలో కల్లా ఎక్కువగా భారత్ లోనే బంగారం, వెండి దిగుమతులు అధికంగా ఉంటాయి. ఇక్కడ కొనుగోలు చేసే వారు అధికంగా ఉండటంతో పాటు భారతీయ సంస్కృతి, సంప్రదాయాలకు నెలవు కావడంతో ఇక్కడ గిరాకీ ఎప్పుడూ అధికంగానే ఉంటుంది.

బంగారం, వెండి వస్తువులకు ఒక సీజన్ అనేది ఉండదు. మామూలు సమయంలోనైనా బంగారాన్ని కొనుగోలు చేయడానికి అనేక మంది ముందుకు వస్తుంటారు. దీనికి కారణం బంగారంపై మదుపు చేస్తే తమ భవిష్యత్ కు భరోసా ఉంటుందని భావించడమే ఇందుకు కారణం. ప్రధానంగా కరోనాతో ప్రపంచమంతా అల్లాడి పోతున్న సమయంలో ఎంతో మందికి బంగారం, వెండి వస్తువులు ఆసరాగా నిలిచాయి. వాటిని కుదువ పెట్టుకుని ఉపాధి అవకాశాలు దెబ్బతిన్నా బతికి బట్టకలిగారంటే దానికి కారణం బంగారం మాత్రమే. దీనికి తోడు భారతీయ మహిళలు అత్యంత ఎక్కువగా ఇష్టపడేది బంగారం మాత్రమే కావడంతో నిత్యంకొనుగోళ్లు జరుగుతూనే ఉంటాయి.

---------------

హిందూస్తాన్ సమచార్ / సంధ్య ప్రసాద పి.వి