హైదరాబాద్‌, 16 ఏప్రిల్ (హి.స.)

కన్నడ నటుడు శివరాజ్ కుమార్ తెలుగు ప్రేక్షకులకు కూడా సుపరిచితులే. పలు తెలుగు చిత్రాల్లోనూ నటించిన ఆయన ప్రస్తుతం రామ్ చరణ్ ప్రధాన పాత్రలో తెరకెక్కుతున్న 'పెద్ది' అనే మూవీలో కీలక పాత్ర పోషిస్తున్నారు. ఇటీవల ఆయన '45' అనే మూవీ చిత్రీకరణలో పాల్గొని షూటింగ్ పూర్తి చేశారు.

ఉపేంద్రతో పాటు శివరాజ్ కుమార్ ప్రధాన పాత్రల్లో నటించిన ఈ మూవీ త్వరలో విడుదల కానున్న సందర్భంగా హైదరాబాద్‌లో నిర్వహించిన ప్రెస్ మీట్‌లో వీరు ఇద్దరూ మాట్లాడారు. ఈ క్రమంలో జైలర్ 2 (రజనీకాంత్) మూవీలో బాలకృష్ణతో కలిసి నటిస్తున్నారట కదా? అని ఓ విలేఖరి అడిగిన ప్రశ్నకు శివరాజ్ కుమార్ సమాధానమిస్తూ.. అవునా.. నాకు తెలియదు. ఆ సినిమాలో నా పాత్ర ఉందని దర్శకుడు నెల్సన్ చెప్పాడు అన్నారు.

---------------

హిందూస్తాన్ సమచార్ / సంధ్య ప్రసాద పి.వి