విజయవాడ, 30 ఏప్రిల్ (హి.స.)అక్షయ తృతీయ వేళ అయోధ్య రామమందిర శిఖరంపై ధ్వజస్తంభం ప్రతిష్ఠించే క్రతువును పూర్తిచేసినట్లు శ్రీరామ జన్మభూమి తీర్థక్షేత్ర ట్రస్టు ప్రధాన కార్యదర్శి చంపత్‌ రాయ్‌ తెలిపారు. 42 అడుగుల పొడవైన ఈ ధ్వజస్తంభాన్ని హిందూ క్యాలెండరు ప్రకారం వైశాఖ శుక్లపక్ష ద్వితీయ ముహూర్తంలో ఉదయం 8 గంటలకు ప్రతిష్ఠించినట్లు తెలిపారు. సంబంధిత చిత్రాలను సోషల్‌ మీడియా వేదికగా ఆయన పంచుకున్నారు. రామమందిరంలో ఏడు మండపాల నిర్మాణం త్వరలోనే పూర్తికానున్నట్లు వెల్లడించారు. రామ్‌దర్బార్‌లోని విగ్రహాలు మే నెలలో వచ్చే అవకాశం ఉందన్నారు.

---------------

హిందూస్తాన్ సమచార్ / నిత్తల