అమరావతి, 24 ఆగస్టు (హి.స.)మాస్ మహారాజా రవితేజ 75వ చిత్రంగా రూపొందుతున్న ‘మాస్ జాతర’ విడుదల మరింత ఆలస్యం కానుంది. తొలుత వినాయక చవితి (ఆగస్ట్ 27) నాడు విడుదల చేయాలని నిర్మాతలు భావించినప్పటికీ, చిత్రీకరణ పూర్తి కాకపోవడం, కార్మిక సంఘాల బంద్‌ల కారణంగా సినిమా విడుదల వాయిదా పడింది.

ఈ చిత్రంలో శ్రీలీల కథానాయికగా నటిస్తోంది. భాను భోగవరపు దర్శకత్వం వహిస్తుండగా, సితార ఎంటర్‌టైన్‌మెంట్స్ మరియు ఫార్చూన్ ఫోర్ సినిమాస్ సంయుక్తంగా నిర్మిస్తున్నాయి. టీజర్‌కు ఇదివరకే మంచి స్పందన లభించడంతో, రవితేజ మరో విజయాన్ని సొంతం చేసుకునే అవకాశం ఉందనే అంచనాలు పెరిగాయి.

అయితే, తాజా సమాచారం ప్రకారం సినిమా చిత్రీకరణలో మాంటేజ్ సాంగ్, కొంత ప్యాచ్ వర్క్ ఇంకా మిగిలి ఉంది. సెప్టెంబర్ 12న విడుదల చేస్తారనే ప్రచారం కూడా ఇప్పుడు మారిపోయింది. తాజా నిర్ణయం ప్రకారం, సినిమాను సెప్టెంబర్‌లో కాకుండా అక్టోబర్‌లో దీపావళి సందర్భంగా విడుదల చేయాలని నిర్మాతలు భావిస్తున్నారు.

---------------

హిందూస్తాన్ సమచార్ / సంధ్య ప్రసాద పి.వి