న్యూఢిల్లీ:, 31 అక్టోబర్ (హి.స.)

భారత ప్రభుత్వ సాంస్కృతిక మంత్రిత్వ శాఖ పరిధిలోని 'నేషనల్ కౌన్సిల్ ఆఫ్ సైన్స్ మ్యూజియమ్స్' (NCSM) ఆధ్వర్యంలో న్యూఢిల్లీలోని నేషనల్ సైన్స్ సెంటర్‌లో అక్టోబర్ 30న నిర్వహించిన జాతీయ సైన్స్ సెమినార్-2026 పోటీల్లో ఒడిశాకు చెందిన సౌమ్యశ్రీ థానాపతి విజేతగా నిలిచారు. జార్ముండలోని ఒడిశా ఆదర్శ విద్యాలయకు చెందిన సౌమ్యశ్రీ ప్రతిభ కనబరిచి ప్రథమ స్థానాన్ని కైవసం చేసుకున్నారు.

భారతీయ ఇంధన వనరులు 2047: అవకాశాలు మరియు సవాళ్లు (Indian Energy Basket 2047: Prospects and Challenges) అనే అంశంపై దేశంలోని 34 రాష్ట్రాలు మరియు కేంద్రపాలిత ప్రాంతాల నుంచి వచ్చిన విద్యార్థులు ఈ సెమినార్‌లో తమ ప్రసంగాలను అందించారు. దేశ భవిష్యత్తు ఇంధన అవసరాలు, స్థిరమైన ఇంధన భద్రత సాధనపై సౌమ్యశ్రీ అందించిన విశ్లేషణ న్యాయ నిర్ణేతల ప్రశంసలు అందుకని విజేతగా నిలిపింది.

పోటీల్లో ప్రతిభ చూపిన సౌమ్యశ్రీకి విన్నర్ ట్రోఫీ, ప్రశంసా పత్రంతో పాటు రూ. 48,000 విద్యార్థివేతనాన్ని బహుకరించారు. దేశవ్యాప్తంగా విద్యార్థుల్లో వైజ్ఞానిక దృక్పథాన్ని, పరిశోధనాత్మక ఆలోచనలను పెంపొందించేందుకు ప్రతి ఏటా NCSM ఈ జాతీయ సైన్స్ సెమినార్‌ను నిర్వహిస్తోంది.

---------------

హిందూస్తాన్ సమచార్ / Santhosha Laxmi