హైదరాబాద్, 25 సెప్టెంబర్ (హి.స.)

బంగాళాఖాతంలో ఏర్పడిన వాతావరణ వ్యవస్థ (అర్ణబ్ తుఫానుగా ప్రచారంలో ఉన్న తీవ్ర అల్పపీడనం) క్రమంగా బలహీనపడుతోంది. ఆంధ్రప్రదేశ్, ఒడిశా తీరాలను తాకిన తర్వాత ఈ సిస్టమ్ భారీ వర్షాలు, ఈదురుగాలులను సృష్టించి, ఆపై వాయువ్య దిశగా కదులుతూ తన ఉద్ధృతిని కోల్పోతుంది.

వాతావరణ శాఖ వెల్లడించిన వివరాల ప్రకారం.. ఇది పూర్తి స్థాయి తుఫానుగా మారకముందే డీప్ డిప్రెషన్‌గా తీరాన్ని దాటినప్పటికీ, దీని ప్రభావం అనేక ప్రాంతాలపై స్పష్టంగా కనిపిస్తోంది. ఈ సిస్టమ్ కారణంగా తెలుగు రాష్ట్రాలతో పాటు ఒడిశా, ఛత్తీస్‌గఢ్, మధ్యప్రదేశ్, మహారాష్ట్ర, ఉత్తరప్రదేశ్, బిహార్ వంటి సుమారు 22 రాష్ట్రాల్లో తేలికపాటి నుంచి మోస్తరు వర్షాలు కురిసే అవకాశం ఉందని హెచ్చరించారు.

తీర ప్రాంతాలలో గాలి తీవ్రత క్రమంగా తగ్గిపోతున్నప్పటికీ, వర్షాల ప్రభావం కొనసాగుతుండటంతో యంత్రాంగం అప్రమత్తంగా ఉంది. ఈ వాతావరణ మార్పుల వల్ల చాలాచోట్ల ఉష్ణోగ్రతలు తగ్గి ప్రజలకు ఉక్కబోత నుంచి ఉపశమనం లభించింది. తదనుగుణంగా లోతట్టు ప్రాంతాల ప్రజలు, మత్స్యకారులు అప్రమత్తంగా ఉండాలని వాతావరణ శాఖ సూచించింది.

---------------

హిందూస్తాన్ సమచార్ / Santhosha Laxmi