నెల్లూరు, 28 సెప్టెంబర్ (హి.స.) ఆంధ్రప్రదేశ్ ముఖ్యమంత్రి నారా చంద్రబాబు నాయుడు రేపు 29వ తేదీన ఎన్టీఆర్, ఎస్పీఎస్ఆర్ నెల్లూరు జిల్లాల్లో పర్యటించనున్నారు.

ఈ పర్యటనలో పలు కార్యక్రమాల్లో సీఎం పాల్గొననున్నారు. ఈ మేరకు ముఖ్యమంత్రి పర్యటన షెడ్యూల్ ఖరారైంది. రేపు 29వ తేదీన ఉదయం 10:20 గంటలకు విజయవాడ స్వరాజ్ మైదాన్లోని డాక్టర్ బీఆర్ అంబేడ్కర్ కళావేదికలో జరిగే 'మిషన్ కర్మయోగి' ప్రాంతీయ వర్క్షాప్కు హాజరవుతారు.

29వ తేదీన మధ్యాహ్నం 1:15 గంటలకు ఉండవల్లి నివాసం నుంచి హెలికాప్టర్లో నెల్లూరు జిల్లాకు సీఎం చంద్రబాబు వెళ్లనున్నారు. మధ్యాహ్నం 2:15 గంటలకు వరికుంటపాడు మండలం రామాపురం గ్రామంలోని హెలిప్యాడ్కు చేరుకుంటారు. మధ్యాహ్నం 2:35 గంటలకు కాకోల్లువారిపల్లిలో నూతనంగా నిర్మించిన బీటీ రోడ్డును పరిశీలిస్తారు.

అనంతరం ఉపాధి హామీ కూలీలతో కలిసి 'శ్రమదానం' కార్యక్రమానికి హాజరు కానున్నారు. మధ్యాహ్నం 3:05 నుంచి సాయంత్రం 5:20 వరకు రామాపురంలో జరిగే ప్రధాన కార్యక్రమంలో పాల్గొంటారు. సాయంత్రం 5:30 గంటలకు రామాపురం నుంచి హెలికాప్టర్లో తిరుగు ప్రయాణమై.. 6:30 గంటలకు ఉండవల్లి నివాసానికి ముఖ్యమంత్రి చంద్రబాబు చేరుకోనున్నారు.

---------------

హిందూస్తాన్ సమచార్ / SANDHYA PRASADA PV