అమరావతి, 03 సెప్టెంబర్ (హి.స.)

అమరావతిలో నిర్మిస్తున్న ఐకానిక్ భవనాలకు సెంట్రలైజ్డ్ కూలింగ్ వ్యవస్థను ఏర్పాటు చేయడానికి ప్రభుత్వం శ్రీకారం చుట్టింది. దుబాయ్, సింగపూర్ వంటి అంతర్జాతీయస్థాయి నగరాల్లో కనిపించే ఈ అత్యాధునిక కూలింగ్ సిస్టమ్ను ఏర్పాటు చేయడం ద్వారా అమరావతిని కూడా ఆ నగరాల సరసన నిలబెట్టాలని ప్రభుత్వం భావిస్తోంది.

అధునాతన డిస్ట్రిక్ట్ కూలింగ్ ప్రొసీజర్(డీసీపీ) ద్వారా ఐకానిక్ సెక్రటేరియట్ భవన సముదాయమైన జీఏడీ టవర్, 4 హెచ్వోడీ టవర్లు, సీఎం కార్యాలయం, అసెంబ్లీ, హైకోర్టు భవనాలకు ఏసీ సదుపాయాన్ని కల్పించనున్నారు. దీనికిగాను రూ.415 కోట్లు ఖర్చవుతుందని అంచనా వేశారు.

---------------

హిందూస్తాన్ సమచార్ / నిత్తల రాజీవ