కర్నూలు, 2 డిసెంబర్ (హి.స.)చలికాలం వచ్చిందంటే వణికించే చల్లని గాలులు, పొగమంచుతో శరీరం చాలా ఇబ్బంది పడుతుంది. ఈ చలిని తట్టుకోవడానికి మనం రకరకాల పద్ధతులు అవలంబిస్తాం. మందపాటి బ్లాంకెట్లు, హీటర్లు, బ్లోయర్లు, ఎలక్ట్రిక్ హీటర్ బ్యాగులు, రూమ్ హీటర్లు, గది మూసుకుని వేడి నిలువ చేసుకోవడం. కొందరు రాత్రంతా హీటర్ ఆన్ చేసి హాయిగా నిద్రపోతారు.

కానీ ఈ సౌకర్యం వెనుక దాగి ఉన్న ప్రమాదాలు ఎవరికీ తెలియవు! ఆక్సిజన్ తగ్గడం, చర్మం పొడిబారడం నుంచి ఫైర్ హజార్డ్ వరకు హీటర్‌తో చాలా ప్రమాదం ఉంది. గదిలో హీటర్​ పెట్టుకుని నిద్రపోతే కలిగే నష్టాలేంటో తెలుసుకుందాం..

హీటర్ గదిలోని గాలిని వేడి చేస్తుంది కానీ ఆక్సిజన్ స్థాయిని తగ్గిస్తుంది. రాత్రంతా మూసిన గదిలో హీటర్​ పెడితే మెదడుకు తగినంత ఆక్సిజన్ అందదు. ఫలితంగా తలనొప్పి, మైకం, ఉదయాన్నే అలసట వంటి సమస్యలు ఎదురవుతాయి.

హీటర్ గాలిలోని తేమను పీల్చేస్తుంది. చర్మం పొడిబారడం, పెదవులు పగులు, దురద, అలర్జీలు మొదలవుతాయి. దీర్ఘకాలంలో చర్మం ముడతలు పడుతుంది.

---------------

హిందూస్తాన్ సమచార్ / SANDHYA PRASADA PV