హైదరాబాద్, 29 మే (హి.స.)

న్యూజిలాండ్ లోని తెలంగాణ సెంట్రల్ అసోసియేషన్ జూన్ 2న నిర్వహిస్తున్న తెలంగాణ రాష్ట్ర అవతరణ దినోత్సవ వేడుకల్లో పాల్గొనేందుకుగాను ప్రముఖ కవి, గాయకుడు, ఎమ్మెల్సీ దేశపతి శ్రీనివాస్ బుధవారం రాత్రి న్యూజిలాండ్ బయలుదేరి వెళ్లారు.

న్యూజిలాండ్ లోని ఆక్లాండ్ లో జరగనున్న ఈ వేడుకల్లో ముఖ్య అతిథిగా పాల్గొనాలని తెలంగాణ సెంట్రల్ అసోసియేషన్ అధ్యక్షులు కల్యాణ్ రావు కాసుగంటి ఆహ్వానం మేరకు ఎమ్మెల్సీ దేశపతి శ్రీనివాస్ జూన్ 9వ తేదీ వరకు ఆ దేశంలో పర్యటించనున్నారు. న్యూజిలాండ్ లోని వివిధ ప్రదేశాల్లో జరిగే ఇతర సమావేశాల్లో ఎమ్మెల్సీ దేశపతి శ్రీనివాస్ పాల్గొని, అక్కడ నివసిస్తున్న ప్రవాస తెలంగాణ వాసులను కలుసుకోనున్నారు.

---------------

హిందూస్తాన్ సమచార్ / నాగరాజ్ రావు