తెలంగాణ, జగిత్యాల. 20 జూన్ (హి.స.)

మాజీ సీఎం కేసీఆర్ హయాంలోనే గ్రామాలన్నీ అన్ని రంగాల్లో అభివృద్ధి చెందాయని కోరుట్ల ఎమ్మెల్యే కల్వకుంట్ల సంజయ్ అన్నారు. మొగిలిపేట గ్రామంలో ఓపెన్ జిమ్, గొర్రె పల్లి గ్రామంలో నూతన జీపీ కార్యాలయ భవనాన్ని శుక్రవారం ప్రారంభించారు.

ఈ సందర్భంగా ఎమ్మెల్యే మాట్లాడుతూ గ్రామాల్లో పుట్టి పెరిగిన మాజీ సీఎం కేసీఆర్ కు ప్రజల కష్టసుఖాలన్నీ స్పష్టంగా తెలుసని, అందుకే గత ప్రభుత్వ హయాంలో గ్రామాల అభివృద్ధికి పెద్ద పీట వేసినట్లు తెలిపారు. ఇక్కడ అధికారులు, ప్రజా ప్రతినిధులు, తదితరులు పాల్గొన్నారు.

---------------

హిందూస్తాన్ సమచార్ / విడియాల వెంకటేశ్వర్ రావు