హైదరాబాద్, 23 జూలై (హి.స.)

ప్రముఖ నటుడు రానా దగ్గుబాటికి ఎన్ఫోర్స్మెంట్ డైరెక్టరేట్ (ED) మరోసారి నోటీసులు జారీ చేసింది. బెట్టింగ్ యాప్స్ కేసులో రానా ఇప్పటికే విచారణను ఎదుర్కొంటున్నారు. ఈ కేసులో విచారణకి ఆయనను ఆగస్టు 11న విచారణకు హాజరు కావాలని ED ఆదేశించింది. ఈ రోజు (జులై 23, 2025) ED ఎదుట హాజరు కావాల్సి ఉన్నప్పటికీ, రానా సమయం కోరడంతో మరోసారి నోటీసులు జారీ అయ్యాయి. బెట్టింగ్ యాప్స్ సంబంధం ఉన్న ఆర్థిక లావాదేవీలపై ED దర్యాప్తు చేస్తోంది.

ఈ కేసులో రానా పాత్రపై అనేక అనుమానాలు వ్యక్తమవుతున్నాయి. గతంలో కూడా ఆయనకు నోటీసులు జారీ కాగా, విచారణలో ఆయన సహకరిస్తున్నట్లు తెలుస్తోంది. అయితే, తాజా నోటీసులతో ఈ కేసు మరింత ఆసక్తికరంగా మారింది. రానా తరపు న్యాయవాదులు ఈ విషయంపై స్పందిస్తూ, తమ క్లయింట్ అన్ని విచారణలకు సహకరిస్తారని, అవసరమైన సమాచారాన్ని అందిస్తారని చెప్పారు.

హిందూస్తాన్ సమచార్ / బచ్చు రంజిత్ కుమార్