తెలంగాణ, వికారాబాద్. 25 జూలై (హి.స.)

ప్రపంచ మేధావి భారత దేశ గర్వించదగ్గ గొప్ప మహోన్నత వ్యక్తి డాక్టర్ బి. ఆర్ అంబేద్కర్ అని తెలంగాణ రాష్ట్ర స్పీకర్ గడ్డం ప్రసాద్ కుమార్ పేర్కొన్నారు. వికారాబాద్ జిల్లా మర్పల్లి మండలంలోని పట్లూర్ గ్రామంలో ఆగస్ట్ 3 వ తేదీన జరగబోయే అంబేద్కర్ విగ్రహం ఆవిష్కరణ పోస్టర్ ను శుక్రవారం మర్పల్లి మండల కేంద్రంలోని అంబేద్కర్ విగ్రహం వద్ద స్పీకర్ గడ్డం ప్రసాద్ కుమార్ చేతుల మీదుగా ఆవిష్కరించారు. ఈ సందర్భంగా స్పీకర్ మాట్లాడుతూ.. అంబేద్కర్ జీవితం ప్రతి ఒక్కరూ ఆదర్శంగా తీసుకోవాలి అని ఆయన చూపించిన మార్గంలో యువత ముందుకు నడవాలని పిలుపునిచ్చారు. అదే ఆయనకు మనం ఇచ్చే ఘన నివాళి అని పేర్కొన్నారు.

---------------

హిందూస్తాన్ సమచార్ / విడియాల వెంకటేశ్వర్ రావు