సూర్యాపేట, 16 ఆగస్టు (హి.స.) గుట్టుచప్పుడు కాకుండా పేకాట

ఆడుతున్న స్థావరం పై పోలీసులు దాడి చేసి పేకాట ఆడుతున్న ఐదుగురు వ్యక్తులను అదుపులోకి తీసుకున్నారు. ఈ ఘటన శుక్రవారం రాత్రి సూర్యాపేట జిల్లా మఠంపల్లి మండలంలో చోటుచేసుకుంది. స్థానికులు, మఠంపల్లి పోలీసులు తెలిపిన వివరాల ప్రకారం మఠంపల్లి మండలంలోని బాండవ తండాలోనీ భూక్య హనుమ ఇంట్లో కొంతమంది పేకాట ఆడుతున్నట్లు తెలుసుకున్న పోలీసులు ఆ ఇంటి పై రైడ్ చేసి పేకాట ఆడుతున్న అయిదుగురు వ్యక్తులను గుర్తించి అదుపులోకి తీసుకున్నారు. వారి వద్ద నుండి సుమారు 13,000 వరకు నగదు,5 మొబైల్ ఫోన్లు, పేక ముక్కలను స్వాధీనం చేసుకున్నట్లు చెప్పారు. పట్టుబడిన వారిలో ఓ మాజీ సర్పంచ్ కూడా ఉన్నట్లు సమాచారం.

---------------

హిందూస్తాన్ సమచార్ / బచ్చు రంజిత్ కుమార్