ఢిల్లీ, 2 ఆగస్టు (హి.స.)ఎన్నికల్లో భాగస్వామ్యం అయ్యే బూత్ లెవల్ ఆఫీసర్ల (Booth level officers) వేతనాన్ని ఎన్నికల కమిషన్ రెట్టింపు చేసింది. ఈ మేరకు ఈ రోజు ఎన్నికల సంఘం ఆదేశాలు (Election Commission) జారీ చేసింది. అందులో స్వచ్ఛమైన ఓటర్ల జాబితాలు ప్రజాస్వామ్యానికి పునాది. ఎలక్టోరల్ రిజిస్ట్రేషన్ ఆఫీసర్లు (EROS), అసిస్టెంట్ ఎలక్టోరల్ రిజిస్ట్రేషన్ ఆఫీసర్లు (AEROలు), BLO సూపర్‌వైజర్లు, బూత్ లెవల్ ఆఫీసర్లు (BLOS)తో కూడిన ఓటర్ల జాబితా యంత్రాంగం చాలా కష్టపడి పనిచేస్తుంది. నిష్పాక్షికమైన, పారదర్శకమైన ఓటర్ల జాబితాల తయారీలో కీలక పాత్ర పోషిస్తుంది. అందువల్ల, BLOS కోసం వార్షిక వేతనాన్ని రెట్టింపు చేయాలని ఎన్నికల కమిషన్ నిర్ణయించింది. ఓటర్ల జాబితాల తయారీ, సవరణలో పాల్గొన్న BLO సూపర్‌వైజర్ల వేతనాన్ని కూడా పెంచింది.

---------------

హిందూస్తాన్ సమచార్ / సంధ్య ప్రసాద పి.వి