హనుమకొండ, 15 జనవరి (హి.స.) హనుమకొండ జిల్లా భీమదేవరపల్లి మండలం లోని కొత్తకొండ శ్రీ వీరభద్రస్వామి ఆలయంలో జరుగుతున్న బ్రహ్మోత్సవాల సందర్భంగా మంత్రులు పొన్నం ప్రభాకర్, దేవాదాయ శాఖ మంత్రి కొండా సురేఖలు గురువారం స్వామివారిని దర్శించుకొని ప్రత్యేక పూజలు నిర్వహించారు. ఈ సందర్భంగా ఆలయ ముఖద్వారం వద్ద నూతనంగా నిర్మించిన త్రిశూల చౌరస్తాను మంత్రులు ప్రారంభించారు. అనంతరం మీడియాతో మాట్లాడిన మంత్రి పొన్నం ప్రభాకర్.. కాకతీయుల కాలం నాటి చరిత్ర కలిగిన ఈ ఆలయంలో భక్తుల రాక అధికంగా ఉందన్నారు. ఆలయ అభివృద్ధి, మాడవీధులు తదితర పనుల కోసం రూ.70 కోట్ల నిధులు మంజూరు చేసిన దేవాదాయ శాఖ మంత్రి కొండా సురేఖకు ధన్యవాదాలు తెలిపారు.

హిందూస్తాన్ సమచార్ / విడియాల వెంకటేశ్వర్ రావు