ఢిల్లీ, 15 జనవరి (హి.స.)

భక్తి, భావోద్వేగాలు మనుషుల్లోనే ఉంటాయని మీరు అనుకుంటే, సోషల్ మీడియాలో వైరల్ అవుతున్న ఈ వీడియో మీరు తప్పని రుజువు చేస్తుంది. బిజ్నోర్ లో వెలుగు చూసిన ఒక వీడియో ప్రస్తుతం ప్రజలను దిగ్భ్రాంతికి గురిచేస్తోంది. ఇందులో ఒక కుక్క ఒక ఆలయంలోని హనుమాన్ విగ్రహం చుట్టూ గంటల పాటు తిరుగుతున్నట్లు కనిపించింది. కుక్క భక్తిని చూసి, జనం అశ్చర్యపోతున్నారు. వీడియోలు తీయడానికి తమ ఫోన్‌లతో పోటీ పడుతున్నారు.

సోషల్ మీడియా ప్లాట్‌ఫామ్ Xలో ప్రస్తుతం ఒక వీడియో వైరల్ అవుతోంది. ఇది అందరి దృష్టిని ఆకర్షిస్తోంది. ఈ వీడియో ఉత్తరప్రదేశ్‌లోని బిజ్నోర్ జిల్లాలోని నంద్‌పూర్ గ్రామంలోని నాగినా ప్రాంతానికి సమీపంలో చోటు చేసుకుంది. ఈ వీడియోలో, ఒక కుక్క గత మూడు రోజులుగా గావోలోని హనుమాన్ ఆలయంలోని బజరంగబలి విగ్రహం చుట్టూ ఆగకుండా తిరుగుతోంది. ఆ కుక్క పగలు-రాత్రి ఆలయ ప్రాంగణంలో తిరుగుతూనే ఉందని, ఆలయం వదిలి వెళ్లడంలేదని స్థానికులు తెలిపారు.

చాలా సేపు తిరుగుతూ, కుక్క ఆలయ ప్రాంగణంలో కొద్దిసేపు కూర్చుంది. ఇంతలో, ఒక పావురం వచ్చి కుక్కపై వాలింది. ఈ క్షణాల్లోనే, పావురం చనిపోయింది. ఈ సంఘటనతో అక్కడ ఉన్న ప్రజలు ఆశ్చర్యపోయారు. ఇది “దైవిక నాటకం” అని సోషల్ మీడియలో షేర్ చేస్తూ కాప్షన్ లో పేర్కొన్నారు.

---------------

హిందూస్తాన్ సమచార్ / SANDHYA PRASADA PV