హైదరాబాద్ , 11 అక్టోబర్ (హి.స.)తెలంగాణలో బీసీలకు 42 శాతం రిజర్వేషన్లు కల్పించాలనే డిమాండ్తో అక్టోబర్ 11న బంద్, నిరసన కార్యక్రమాలు నిర్వయించారు. బీసీ రిజర్వేషన్ల అంశం రాష్ట్ర రాజకీయాల్లో చాలాకాలంగా చర్చనీయాంశంగా కొనసాగుతోంది. స్థానిక సంస్థల్లో బీసీలకు తగిన ప్రాతినిధ్యం కల్పించాలనే డిమాండ్తో వివిధ రాజకీయ, సామాజిక వర్గాలు తమ అభిప్రాయాలను వ్యక్తం చేస్తున్నాయి.

బీసీ రిజర్వేషన్ల డిమాండ్కు మద్దతుగా రాజకీయ నాయకులు ర్యాలీలు, నిరసన కార్యక్రమాలు నిర్వహించారు. కొన్ని ప్రాంతాల్లో రాష్ట్ర రోడ్డు రవాణా సంస్థ బస్సులు డిపోలకే పరిమితమైనవి.

బీసీ రిజర్వేషన్ల అంశం కేవలం ఎన్నికలకు సంబంధించిన రాజకీయ ప్రశ్న మాత్రమే కాదు. స్థానిక పాలనా వ్యవస్థల్లో వెనుకబడిన తరగతుల భాగస్వామ్యం, సామాజిక న్యాయం, రాజకీయ ప్రాతినిధ్యం వంటి విస్తృత అంశాలతో ఇది ముడిపడి ఉంది. స్థానిక సంస్థల్లో ప్రాతినిధ్యం పెరిగితే ఆయా వర్గాల సమస్యలు పాలనా నిర్ణయాల్లో ప్రతిబింబించే అవకాశాలు పెరుగుతాయని రిజర్వేషన్లకు మద్దతు తెలిపేవారు అభిప్రాయపడుతున్నారు.

---------------

హిందూస్తాన్ సమచార్ / పుట్టా సుమన్