హైదరాబాద్ , 07 అక్టోబర్ (హి.స.)రాష్ట్రవ్యాప్తంగా ఉన్న పాఠశాలలు మరియు జూనియర్ కళాశాలలకు ఈ ఏడాది దసరా పండుగ సెలవుల క్యాలెండర్ను తెలంగాణ విద్యాశాఖ అధికారికంగా ఖరారు చేసి ప్రకటించింది. సంస్కృతి, సంప్రదాయాలకు ప్రతీకగా నిలిచే బతుకమ్మ, దసరా పండుగలను విద్యార్థులు కుటుంబంతో కలిసి ఆనందంగా జరుపుకునేందుకు వీలుగా ఈ సెలవులను కేటాయించారు. తాజా షెడ్యూల్ ప్రకారం, రాష్ట్రంలోని అన్ని ప్రభుత్వ, ప్రైవేట్ మరియు ఎయిడెడ్ పాఠశాలలకు అక్టోబర్ 10వ తేదీ నుంచి అక్టోబర్ 22వ తేదీ వరకు మొత్తం 13 రోజుల పాటు దసరా సెలవులు వర్తించనున్నాయి.

అదేవిధంగా, జూనియర్ కళాశాలలకు అక్టోబర్ 10 నుంచి అక్టోబర్ 21 వరకు సెలవులు ప్రకటించారు. సెలవుల అనంతరం అక్టోబర్ 23వ తేదీ బుధవారం రోజు నుంచి పాఠశాలలు, కాలేజీలు తిరిగి పునఃప్రారంభం కానున్నాయని విద్యాశాఖ డైరెక్టర్ వెల్లడించారు. ఈ సెలవు దినాలలో ఎలాంటి అదనపు తరగతులు నిర్వహించకూడదని, నిబంధనలను ఉల్లంఘించి పాఠశాలలు తెరిస్తే కఠిన చర్యలు తీసుకుంటామని ప్రైవేట్ యాజమాన్యాలను విద్యాశాఖ హెచ్చరించింది. దసరా సెలవుల ప్రకటన వెలువడడంతో విద్యార్థులు, ఉపాధ్యాయులు పండుగ ప్రయాణాలకు మరియు ఊళ్లకు వెళ్లే ఏర్పాట్లలో నిమగ్నమయ్యారు.

---------------

హిందూస్తాన్ సమచార్ / పుట్టా సుమన్