హైదరాబాద్ , 07 అక్టోబర్ (హి.స.)హైదరాబాద్ నగర రాజకీయాల్లో ఓటర్ల జాబితా లొల్లి మరోసారి తెరపైకి వచ్చింది. ఓటర్ల జాబితా నుంచి చట్టవిరుద్ధంగా పేర్లను తొలగించే దుర్ఉద్దేశంతో కొందరు వ్యక్తులు నకిలీ ఫారం-7 (Form-7) దరఖాస్తులను ఆన్లైన్లో సమర్పించిన వ్యవహారం తీవ్ర కలకలం రేపింది. ఈ కుట్రపూరిత చర్యను గుర్తించిన బాధితులు మరియు ఎన్నికల సంఘం అధికారులు ఇచ్చిన ప్రాథమిక ఫిర్యాదు మేరకు హైదరాబాద్లోని చిక్కడపల్లి పోలీస్ స్టేషన్లో అధికారికంగా క్రిమినల్ కేసు నమోదైంది.

ఎలాంటి అధికారిక ధృవీకరణ లేదా ఓటర్ల అంగీకారం లేకుండా, బోగస్ సంతకాలు మరియు నకిలీ పత్రాలను ఉపయోగించి పెద్ద ఎత్తున ఓట్లను తొలగించేందుకు కొందరు అక్రమంగా ప్రయత్నించినట్లు పోలీసుల దర్యాప్తులో వెల్లడైంది. ప్రజాస్వామ్య వ్యవస్థకు మూలస్తంభమైన ఓటింగ్ హక్కును కాలరాసే ఈ కుట్ర వెనుక ఎవరున్నారనే కోణంలో పోలీసులు కూపీ లాగుతున్నారు. ఆన్లైన్ ఐపీ అడ్రస్లు మరియు దరఖాస్తులు సమర్పించిన కంప్యూటర్ల ఆధారంగా నిందితులను గుర్తించేందుకు సైబర్ క్రైమ్ పోలీసులు ప్రత్యేక దర్యాప్తు బృందాన్ని రంగంలోకి దించారు. ఈ ఘటనపై నగరవ్యాప్తంగా రాజకీయ పార్టీల మధ్య తీవ్ర విమర్శలు, ప్రతివిమర్శలు చెలరేగుతున్నాయి.

---------------

హిందూస్తాన్ సమచార్ / పుట్టా సుమన్