హైదరాబాద్లో ఘనంగా రామోజీ ట్రిబ్యూట్ వాక్
హైదరాబాద్లోని జలవిహార్లో ప్రముఖ మీడియా దిగ్గజం, దివంగత రామోజీరావుకు నివాళులర్పిస్తూ రామోజీ ట్రిబ్యూట్ వాక్ నిర్వహించారు.
RAMOJI


హైదరాబాద్ , 15 నవంబర్ (హి.స.)

హైదరాబాద్లోని జలవిహార్లో ప్రముఖ మీడియా దిగ్గజం, దివంగత రామోజీరావుకు నివాళులర్పిస్తూ రామోజీ ట్రిబ్యూట్ వాక్ నిర్వహించారు. ఈ కార్యక్రమంలో రామోజీ గ్రూప్ ఛైర్మన్ కిరణ్, మార్గదర్శి ఛైర్పర్సన్ శైలజ పాల్గొన్నారు. వీరితో పాటు మార్గదర్శి సంస్థకు చెందిన వందలాది మంది ఉద్యోగులు ఉత్సాహంగా వాకథాన్లో భాగమయ్యారు.

రామోజీరావు ఆశయాలు, విలువలు, సమాజానికి ఆయన అందించిన సేవలను స్మరించుకుంటూ ఈ కార్యక్రమాన్ని నిర్వహించారు. జలవిహార్ పరిసరాల్లో సాగిన ఈ ట్రిబ్యూట్ వాక్లో ఉద్యోగులు పెద్ద సంఖ్యలో పాల్గొని ఆయన పట్ల తమ గౌరవాన్ని చాటుకున్నారు. మార్గదర్శి ఛైర్పర్సన్ శైలజ వాకథాన్లో పాల్గొని రామోజీరావుకు ఘనంగా నివాళులర్పించారు.

మీడియా, వ్యాపార, సామాజిక రంగాల్లో రామోజీరావు చేసిన విశేష కృషిని గుర్తుచేసుకుంటూ ఈ కార్యక్రమం సాగింది. ఆయన చూపిన మార్గంలో ముందుకు సాగుతూ, ఆయన ఆశయాలను కొనసాగించడమే నిజమైన నివాళి అని కార్యక్రమంలో పాల్గొన్నవారు తమ భాగస్వామ్యం ద్వారా చాటిచెప్పారు. ఉద్యోగుల సమష్టి భాగస్వామ్యంతో రామోజీ ట్రిబ్యూట్ వాక్ స్మరణీయంగా జరిగింది.

---------------

హిందూస్తాన్ సమచార్ / పుట్టా సుమన్


 rajesh pande