ఢిల్లీలో ‘పేలవమైన’ (Poor) స్థితిలోనే వాయు నాణ్యత.. 216గా నమోదైన ఓవరాల్ ఏక్యూఐ (AQI)
ఢిల్లీలో ‘పేలవమైన’ (Poor) స్థితిలోనే వాయు నాణ్యత.. 216గా నమోదైన ఓవరాల్ ఏక్యూఐ (AQI)
delhi


న్యూఢిల్లీ, 16 నవంబర్ (హి.స.)

దేశ రాజధాని ఢిల్లీలో గాలి నాణ్యత సోమవారం కూడా ‘పేలవమైన’ (Poor) కేటగిరీలోనే కొనసాగుతోంది. కేంద్ర కాలుష్య నియంత్రణ మండలి (CPCB) గణాంకాల ప్రకారం, ఉదయం ఢిల్లీ మొత్తం వాయు నాణ్యత సూచీ (Overall AQI) 216గా నమోదైంది.

నగరంలోని పలు ప్రాంతాల్లో కాలుష్య తీవ్రత ఎక్కువగా కనిపించింది. ఆనంద్ విహార్, అశోక్ విహార్, జహంగీర్‌పురి, పంజాబీ బాగ్, రోహిణి వంటి ప్రాంతాల్లో గాలి నాణ్యత క్షీణించడంతో ఉదయం వేళల్లో పొగమంచు (Smog) కమ్ముకుంది. వాయు నాణ్యత సూచీ 201 నుంచి 300 మధ్య ఉంటే దానిని 'పూర్' (పేలవమైన) కేటగిరీగా పరిగణిస్తారు. ఈ స్థాయి గాలిని ఎక్కువసేపు పీల్చడం వల్ల ప్రజలకు శ్వాసకోశ సంబంధిత అసౌకర్యాలు కలిగే అవకాశం ఉందని నిపుణులు హెచ్చరిస్తున్నారు.

---------------

హిందూస్తాన్ సమచార్ / Santhosha Laxmi


 rajesh pande