అమరావతి , 02 నవంబర్ (హి.స.)

బంగాళాఖాతంలో ఏర్పడిన ‘మురసు’ తీవ్ర తుఫాన్ ప్రస్తుతం ప్రమాదకరంగా మారుతోంది. గంటకు 20 కిలోమీటర్ల వేగంతో పయనిస్తున్న ఈ తుఫాన్ చెన్నైకి 260 కిలోమీటర్లు, నెల్లూరుకు 290 కిలోమీటర్లు, ఒంగోలుకు 330 కిలోమీటర్ల దూరంలో కేంద్రీకృతమై ఉంది. ఇది మరింత బలపడి రేపు నెల్లూరు మరియు నరసాపురం మధ్య తీరం దాటే అవకాశం ఉందని వాతావరణ శాఖ (IMD) వెల్లడించింది.

తుఫాన్ తీరం దాటే సమయంలో ప్రతి గంటకు 100 నుండి 120 కిలోమీటర్ల తీవ్ర వేగంతో ప్రచండ గాలులు వీచే ప్రమాదం ఉండటంతో వాతావరణ శాఖ హెచ్చరికలు జారీ చేసింది. ప్రమాదాన్ని నివారించేందుకు ఆంధ్రప్రదేశ్ తో పాటు ఉత్తర తమిళనాడు తీర ప్రాంతాలకు రెడ్ అలర్ట్ ప్రకటించారు. మత్స్యకారులు ఎవరూ వేటకు వెళ్లకూడదని, లోతట్టు ప్రాంతాల ప్రజలు సురక్షిత ప్రాంతాలకు వెళ్లి అప్రమత్తంగా ఉండాలని అధికారులు హెచ్చరిస్తున్నారు.

---------------

హిందూస్తాన్ సమచార్ / Santhosha Laxmi