మేడ్చల్, 07 నవంబర్ (హి.స.)

మేడ్చల్ జిల్లాలో విషాదకర ఘటన చోటుచేసుకుంది. మూడుచింతలపల్లి పరిధిలోని నాగిశెట్టిపల్లి వద్ద జరిగిన రోడ్డు ప్రమాదంలో ఇద్దరు ప్రాణాలు కోల్పోయారు. రహదారిపై బైక్పై ప్రయాణిస్తున్న ఇద్దరిని గుర్తుతెలియని వాహనం బలంగా ఢీకొట్టింది. ఈ ప్రమాదం తీవ్రతకు బైక్పై ఉన్న ఇద్దరూ రోడ్డుపై పడిపోయి తీవ్రంగా గాయపడ్డారు. ప్రమాదాన్ని గమనించిన స్థానికులు వెంటనే సహాయక చర్యలు చేపట్టారు. అయితే, అప్పటికే వారిద్దరూ మృతి చెందినట్లు సమాచారం.

ప్రమాదానికి కారణమైన వాహనం ఆపకుండా అక్కడి నుంచి వెళ్లిపోయినట్లు తెలుస్తోంది. ఈ ఘటనతో నాగిశెట్టిపల్లి పరిసర ప్రాంతాల్లో విషాదం నెలకొంది. సమాచారం అందుకున్న పోలీసులు ఘటనా స్థలానికి చేరుకుని వివరాలు సేకరించారు. మృతదేహాలను పోస్టుమార్టం నిమిత్తం ఆసుపత్రికి తరలించే ఏర్పాట్లు చేశారు. ప్రమాదానికి కారణమైన గుర్తుతెలియని వాహనాన్ని గుర్తించేందుకు పోలీసులు చర్యలు చేపట్టారు. ఈ మేరకు కేసు నమోదు చేసి దర్యాప్తు కొనసాగిస్తున్నారు. મૃતుల వివరాలు, ప్రమాదానికి సంబంధించిన పూర్తి సమాచారం తెలియాల్సి ఉంది.

---------------

హిందూస్తాన్ సమచార్ / పుట్టా సుమన్