ఢిల్లీ, 05 మార్చి (హి.స.)పశ్చిమాసియాలో ఘర్షణలు నెలకొన్న వేళ... కువైట్ (Kuwait) జలాల్లో చమురు ట్యాంకర్పై దాడి జరిగింది. దాంతో ఇంధనం సముద్రంలోకి ఒలికింది. ఈ మేరకు గురువారం బ్రిటన్కు చెందిన మారిటైమ్ సెక్యూరిటీ ఏజెన్సీ వెల్లడించింది. ‘‘కువైట్లోని ముబారక్ అల్ కబీర్ పోర్ట్ సమీపంలో భారీ పేలుడు శబ్దం వినిపించిందని, ఆ తర్వాత అక్కడినుంచి ఒక చిన్న బోటు వెళ్లిపోవడం కనిపించిందని ప్రత్యక్ష సాక్షులు పేర్కొన్నారు. ట్యాంకర్ నుంచి ఒలికే ఇంధనం వల్ల పర్యావరణంపై ప్రభావం ఉండొచ్చు’’ అని ఏజెన్సీ పేర్కొంది.

ఎగుమతులు నిలిపివేయండి: చైనా

డీజిల్, గాసోలిన్ ఎగుమతులు నిలిపివేయాలని చైనా తన రిఫైనరీలకు సూచించింది. అలాగే గల్ఫ్ దేశాలకు తన సర్వీసుల్ని తాత్కాలికంగా నిలిపివేస్తున్నట్లు చైనాకు చెందిన షిప్పింగ్ సంస్థ COSCO వెల్లడించింది. ఇదిలాఉండగా, ఆరోరోజు ఇరాన్, ఇజ్రాయెల్-అమెరికా మధ్య ఘర్షణలు కొనసాగుతున్నాయి.

---------------

హిందూస్తాన్ సమచార్ / నిత్తల రాజీవ