గోదావరిఖని, 09 మార్చి (హి.స.)

చెత్త రహిత రామగుండం కోసం ప్రతి ఒక్కరూ భాగస్వాములు కావాలని రామగుండం శాసనసభ్యులు ఎం.ఎస్. రాజ్ ఠాకూర్ ప్రజలకు పిలుపునిచ్చారు. ప్రజా పాలన-ప్రగతి ప్రణాళికలో భాగంగా, రామగుండం నగర పాలక సంస్థ కార్యాలయం ఆవరణలో సోమవారం 5 కిలోమీటర్ల రన్ ను మేయర్ మహంకాళి స్వామితో కలిసి పచ్చ జెండా ఊపి ప్రారంభించారు. నగరపాలక సంస్థ కార్యాలయం నుండి గోదావరిఖని చౌరస్తా వరకు రన్ నిర్వహించబడింది. చౌరస్తాలో మానవహారం ఏర్పాటు చేశారు. ఈ సందర్భంగా ఎం.ఎస్. రాజ్ ఠాకూర్ మాట్లాడుతూ, రెండేళ్ల కాలంలో రేవంత్ రెడ్డి ప్రభుత్వం అనేక అభివృద్ధి, సంక్షేమ కార్యక్రమాలను చేపడుతూ, రాజకీయాలకు అతీతంగా అద్భుతమైన పరిపాలన అందిస్తున్నదని తెలిపారు. ప్రజా పాలన-ప్రగతి ప్రణాళిక ప్రధాన ఉద్దేశ్యం రామగుండాన్ని పరిశుభ్రమైన, సుందరమైన నగరంగా తీర్చిదిద్దడమే అని అన్నారు. పరిసరాలను పరిశుభ్రంగా ఉంచడం, పచ్చదనం, ల్యాండ్స్కేప్లతో అందంగా రూపొందించడం ముఖ్యమని చెప్పారు.

అలాగే, మహిళా సంక్షేమ కార్యక్రమాలను చిత్తశుద్ధితో అమలు చేస్తామని, స్వంత వ్యాపారం ప్రారంభించే స్వశక్తి సంఘాలకు కోట్లాది రూపాయల సబ్సిడీ రుణాలను అందిస్తూ ప్రోత్సాహిస్తామని తెలిపారు. రాజ్ ఠాకూర్, ప్రభుత్వ రంగంలో లక్ష ఉద్యోగాలు, ప్రైవేటు రంగంలో రెండు లక్షల ఉద్యోగాలను ప్రభుత్వ ప్రభుత్వం అందించిందని, రామగుండం నగర పునర్నిర్మాణంలో రోడ్ల వెడల్పు పెంచడం, వాణిజ్య భవనాల నిర్మాణం చురుగ్గా సాగుతోందని తెలిపారు. రాబోయే రెండేళ్లలో రామగుండం అన్ని రంగాల్లో అభివృద్ధి చెందుతూ, ఇతర ప్రాంతాల వారిని ఆకర్షించే నగరంగా రూపుదిద్దుకుంటుందని చెప్పారు. ఈ కార్యక్రమంలో మేయర్ మహంకాళి స్వామి హాజరైన వారితో మాట్లాడుతూ, ప్రజా పాలన-ప్రగతి ప్రణాళిక విజయవంతం చేయడంలో తమ వంతు సహకారం తప్పనిసరిగా అందిస్తామని ప్రతిజ్ఞ చేశారు. మేయర్ మాట్లాడుతూ, పాలకవర్గం శానిటేషన్ కు ప్రథమ ప్రాధాన్యం ఇచ్చిందని, పారిశుద్ధ్య నిర్వహణ మెరుగుపరచడానికి అన్ని చర్యలు తీసుకుంటున్నామని అన్నారు.

ప్రజలు కూడా సహకరించి చెత్తను బయట పడకుండా నగరపాలక సంస్థ స్వచ్చ వాహనాలకు మాత్రమే ఇవ్వాలని కోరారు. చెత్తను నియమాల పాటిస్తూ బయటపెడితే, ప్రజల ఆరోగ్యానికి హాని కలిగించే వారికి జరిమానాలు విధించబడతాయని తెలిపారు. ఎం.ఎల్.ఏ. రాజ్ ఠాకూర్ నేతృత్వంలో సుమారు 800 కోట్ల రూపాయల వ్యయంతో అభివృద్ధి పనులు కొనసాగుతున్నందున, రామగుండం నగర రూపు రేఖలు త్వరలో మారనున్నాయని చెప్పారు.

---------------

హిందూస్తాన్ సమచార్ / విడియాల వెంకటేశ్వర్ రావు