కందుకూరి వీరేశలింగం పంతులుకు సీఎం చంద్రబాబు ఘన నివాళి
ప్రముఖ సంఘ సంస్కర్త కందుకూరి వీరేశలింగం పంతులు జయంతి సందర్భంగా ఆయనకు ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఘన నివాళులు అర్పించారు.
అమరావతి, 16 ఏప్రిల్ (హి.స.)ప్రముఖ సంఘ సంస్కర్త కందుకూరి వీరేశలింగం పంతులు జయంతి సందర్భంగా ఆయనకు ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఘన నివాళులు అర్పించారు. జాతి కోసం ఆయన చేసిన సేవలను ఈ సందర్భంగా సీఎం చంద్రబాబు గుర్తు చేసుకున్నారు.
గురువారం తన ఎక్స్ ఖాతా వేదికగా సీఎం చంద్రబాబు స్పందిస్తూ.. ‘సంఘ సంస్కర్త, బహుముఖ ప్రజ్ఞాశాలి, తెలుగు జాతికి నవయుగ వైతాళికుడు కందుకూరి వీరేశలింగం పంతులు గారి 178 వ జయంతి సందర్భంగా ఘన నివాళి అర్పిస్తున్నాను. స్త్రీ విద్య కోసం ఉద్యమించిన మహనీయుడు ఆయన. ఆనాటి దురాచారం అయిన బాల్య వివాహాలను ఖండించి, వితంతు వివాహాలు ప్రోత్సహించిన ధీశాలి. ఆ మహనీయుడిని స్మరించుకుంటూ ఘననివాళి అర్పిస్తున్నాను. అని సీఎం చంద్రబాబు తెలిపారు.
---------------
హిందూస్తాన్ సమచార్ / రాశి భాగాయత్
సంబంధిత వార్తలు
