పెనుగొండ, 29 ఏప్రిల్ (హి.స.)తిరుపతిలో మే 5వ తేదీన జరగనున్న గంగమ్మ జాతర ఉత్సవాలకు ఆలయ కమిటీ సభ్యులు, అర్చకులు మంత్రి సవితకు పెనుగొండలో ఈ రోజు బుధవారం ఆహ్వాన పత్రికను అందజేశారు. ఈ సందర్భంగా అర్చకులు మంత్రి సవితను వేదమంత్రాలతో ఆశీర్వదించారు. జాతరకు తప్పకుండా హాజరవుతానని మంత్రి సవిత తెలిపారు.

ఈ జాతరలో ముఖ్యమైన రోజు మే 5గా నిర్ణయించారు. ఆ రోజున ప్రధాన వేడుకలు అత్యంత వైభవంగా నిర్వహించబడతాయి. ప్రతి సంవత్సరం లాగే ఈసారి కూడా పెద్ద ఎత్తున భక్తులు పాల్గొంటారని అధికారులు భావిస్తున్నారు. ముఖ్యంగా తిరుపతి నగరంతో పాటు చుట్టుపక్కల గ్రామాలు, రాయలసీమ ప్రాంతం నలుమూలల నుంచి భక్తులు వచ్చి అమ్మవారిని దర్శించుకుంటారు.

ఆలయ కమిటీ సభ్యులు వర ప్రసాద్ మాట్లాడుతూ, “జాతరకు వచ్చే సాధారణ భక్తులకు ఎక్కువ ప్రాధాన్యం ఇస్తాం. దర్శనం సులభంగా జరిగేలా ప్రత్యేక ఏర్పాట్లు చేస్తాం” అని తెలిపారు. అలాగే ఇతర ప్రభుత్వ శాఖలతో సమన్వయం చేస్తూ భక్తులకు అవసరమైన అన్ని సౌకర్యాలు కల్పిస్తామని చెప్పారు.దూర ప్రాంతాల నుంచి వచ్చే భక్తుల కోసం తాగునీరు, పార్కింగ్, భద్రత వంటి అన్ని వసతులు అందుబాటులో ఉంచాలని అధికారులు నిర్ణయించారు. జాతర రోజుల్లో నగరంలో ట్రాఫిక్ నియంత్రణకు కూడా ప్రత్యేక ప్రణాళికలు రూపొందిస్తున్నారు.

---------------

హిందూస్తాన్ సమచార్ / SANDHYA PRASADA PV