తిరుమల, 08 ఏప్రిల్ (హి.స.)

తిరుమల శ్రీవేంకటేశ్వరస్వామి ప్రసాదాల నాణ్యతలో చాలా మార్పు వచ్చిందని, ప్రసాదాలు ప్రస్తుతం చాలా రుచికరంగా ఉన్నాయని ఎమ్మెల్యే సుజనా చౌదరి అన్నారు. తిరుమల శ్రీవారిని అర్చన సేవలో ఆయన దర్శించుకున్నారు. ఈ సందర్భంగా సుజనా చౌదరిని వేదపండితులు ఆశీర్వదించగా, అధికారులు లడ్డూప్రసాదాలు అందజేశారు.

దర్శనానంతరం ఆయన మీడియాతో మాట్లాడుతూ, తిరుమల, తిరుపతిలో చేపట్టిన ఏర్పాట్లు చాలా బాగున్నాయన్నారు. ప్రజలందరూ సంతోషంగా ఉండాలని, ప్రపంచవ్యాప్తంగా ఉన్న యుద్ధవాతావరణం తొలగిపోయి శాంతి నెలకొల్పాలని స్వామిని ప్రార్థించానన్నారు.

---------------

హిందూస్తాన్ సమచార్ / నిత్తల రాజీవ