కొత్తచెరువు, 02 మే (హి.స.), రీల్స్ పిచ్చితో ఇంటర్ విద్యార్థి ఒంటిపై పెట్రోల్ పోసుకుని నిప్పు అంటించుకున్నాడు. శ్రీసత్యసాయి జిల్లా కొత్తచెరువు మండలం పోతుకుంటలో ఈ సంఘటన జరిగింది. గ్రామానికి చెందిన అంజనేయులు కుమారుడు శివకుమార్ ఓ ప్రైవేటు కాలేజీలో ఇంటర్ చదువుతున్నాడు. గ్రామంలోని పాత సచివాలయం వద్ద స్నేహితులతో కలిసి రీల్స్ చేశాడు. ఈ క్రమంలో శివకుమార్ ఒంటిపై పెట్రోలు పోసుకుని నిప్పంటించుకున్నాడు. మంటలు ఎక్కువ కావడంతో అతని స్నేహితులు చొక్కాను లాగేశారు. అప్పటికే శివకుమార్ తీవ్రంగా గాయపడ్డాడు. కుటుంబ సభ్యులు ఆసుపత్రికి తరలించారు.

---------------

హిందూస్తాన్ సమచార్ / నిత్తల రాజీవ