జమ్మూ కాశ్మీర్, 22 జూన్ (హి.స.) జమ్మూ కాశ్మీర్లోని గందర్బాల్ జిల్లా తులముల్లా ప్రాంతంలో ఉన్న ప్రసిద్ధ మాతా ఖీర్ భవానీ ఆలయంలో వార్షిక మేళా అత్యంత వైభవంగా ప్రారంభమైంది. జ్యేష్ఠ అష్టమి పర్వదినాన్ని పురస్కరించుకుని దేశంలోని వివిధ ప్రాంతాల నుండి తరలివచ్చిన వేలాది మంది కాశ్మీరీ పండిట్లు, భక్తులు ఈ ఉత్సవంలో పాల్గొని గర్భాలయ అధిష్టాన దేవత రాజ్ఞా దేవిని దర్శించుకున్నారు. ఆలయ ప్రాంగణంలోని పవిత్రమైన జలధార (స్ప్రింగ్) వద్ద భక్తులు సాంప్రదాయ పూజలు నిర్వహించి, అమ్మవారికి పాలు, ఖీర్ (పాయసం) సమర్పించి శాంతిసౌభాగ్యాల కోసం ప్రార్థనలు చేశారు. ఈ ఉత్సవంలో కాశ్మీరీ ముస్లింలు కూడా తమ పండిట్ సోదరులతో చేతులు కలిపి మేళా ఏర్పాట్లలో పాలుపంచుకోవడం అక్కడ శతాబ్దాలుగా వస్తున్న మత సామరస్యానికి, సోదరభావానికి అద్దం పట్టింది. భక్తుల సౌకర్యార్థం మరియు రక్షణ కోసం జిల్లా యంత్రాంగం విస్తృతమైన భద్రత, ఆరోగ్య, రవాణా మరియు పారిశుధ్య ఏర్పాట్లను చేపట్టింది.

---------------

హిందూస్తాన్ సమచార్ / Santhosha Laxmi