జమ్మూ కాశ్మీర్, 22 జూన్ (హి.స.)

జమ్మూ కాశ్మీర్లోని రాజౌరి జిల్లాలో ఉగ్రవాదుల ఏరివేతే లక్ష్యంగా భద్రతా దళాలు చేపట్టిన 'ఆపరేషన్ షేరువాలి' సోమవారంతో 31వ రోజుకు చేరుకుంది. మంజకోట్ సెక్టార్లోని దొరిమాల్ - గంభీర్ ముగ్లాన్ దట్టమైన అటవీ ప్రాంతాలలో సాయుధ ఉగ్రవాదులు పొంచి ఉన్నారనే పక్కా సమాచారంతో మే చివరి వారంలో ఈ భారీ శోధన చర్యలను ప్రారంభించారు. భారత సైన్యం, జమ్మూ కాశ్మీర్ పోలీసులు, పారామిలిటరీ దళాలు సంయుక్తంగా అత్యంత కఠినమైన పర్వత ప్రాంతాలలో ముమ్మరంగా గాలింపు చర్యలు జరుపుతున్నాయి. సరిహద్దు జిల్లాలో శాంతిభద్రతలను కాపాడటమే ధ్యేయంగా భద్రతా సంస్థలు అదనపు తనిఖీ కేంద్రాలను ఏర్పాటు చేసి, నిరంతర నిఘా మరియు గస్తీని ముమ్మరం చేశాయి. ఆపరేషన్ ప్రణాళికాబద్ధంగా సాగుతోందని, అనుమానాస్పద కదలికలపై నిఘా ఉంచామని అధికారులు తెలిపారు. స్థానిక ప్రజలు అప్రమత్తంగా ఉండాలని, భద్రతా దళాలకు సహకరించాలని అధికారులు విజ్ఞప్తి చేశారు.

---------------

హిందూస్తాన్ సమచార్ / Santhosha Laxmi