కర్నూలు, 22 జూన్ (హి.స.)

జామకాయ ఆరోగ్యానికి ఎంతో మేలు చేసే పండ్లలో ఒకటి. ఇందులో విటమిన్ సి, ఫైబర్, యాంటీఆక్సిడెంట్లు సమృద్ధిగా ఉండటంతో రోగనిరోధక శక్తిని పెంచడమే కాకుండా జీర్ణక్రియను మెరుగుపరచడంలో కూడా సహాయపడుతుంది. అయితే జామకాయ తినడం ఎంత మంచిదో, దానిని సరైన విధంగా తీసుకోవడం కూడా అంతే ముఖ్యం. జామకాయ తిన్న వెంటనే కొన్ని ఆహారపదార్థాలు తీసుకోవడం వల్ల జీర్ణ సమస్యలు తలెత్తే అవకాశం ఉందని ఆరోగ్య నిపుణులు శివప్ప ఎన్ సూచిస్తున్నారు.జామకాయ ఆరోగ్యానికి ఎంతో మేలు చేసే పండు. అయితే జామకాయ తిన్న తర్వాత కొన్ని ఆహారాలను వెంటనే తినడం వల్ల హెల్త్ ప్రాబ్లమ్స్ వచ్చే అవకాశం ఉందని డైటిషిన్ తెలిపారు. అవేంటో చూద్దాం.

పాలు, పాల ఉత్పత్తులకు దూరంగా ఉండాలి

జామకాయ తిన్న వెంటనే పాలు లేదా పాల ఉత్పత్తులు తీసుకోవడం మంచిది కాదని నిపుణులు చెబుతున్నారు. జామకాయలోని సహజ ఆమ్ల గుణాలు పాలతో కలిసినప్పుడు జీర్ణక్రియ నెమ్మదించవచ్చు. దీంతో కడుపు ఉబ్బరం, అజీర్ణం, గ్యాస్ వంటి సమస్యలు వచ్చే అవకాశం ఉంటుంది.

చాలామందికి పండ్లు తిన్న వెంటనే నీళ్లు తాగే అలవాటు ఉంటుంది. అయితే జామకాయ తిన్న వెంటనే చల్లటి నీళ్లు తాగడం వల్ల జీర్ణవ్యవస్థ పనితీరు దెబ్బతినవచ్చు. కడుపు నొప్పి, గ్యాస్, అసౌకర్యం వంటి సమస్యలు తలెత్తే అవకాశం ఉంది. కనీసం 20 నుంచి 30 నిమిషాల తర్వాత నీళ్లు తాగడం మంచిది.

అరటిపండ్లతో కలిసి తినవద్దు

జామకాయ, అరటిపండ్లను ఒకేసారి తినడం వల్ల కొంతమందిలో జీర్ణ సమస్యలు కనిపించవచ్చు. ముఖ్యంగా కడుపు ఉబ్బరం, గ్యాస్ సమస్యలు ఉన్నవారు ఈ రెండు పండ్లను కలిసి తీసుకోవడం నివారించడం మంచిది.

మసాలా, నూనె పదార్థాలు వెంటనే తినకండి

జామకాయలో ఫైబర్ అధికంగా ఉంటుంది. దీన్ని తిన్న వెంటనే మసాలా లేదా నూనెతో తయారుచేసిన ఆహారాలు తీసుకుంటే జీర్ణవ్యవస్థపై అదనపు ఒత్తిడి పడుతుంది. దీనివల్ల అజీర్ణం, గుండెల్లో మంట, కడుపు అసౌకర్యం వంటి సమస్యలు తలెత్తవచ్చు.

హిందూస్తాన్ సమచార్ / SANDHYA PRASADA PV