దిఫు (అస్సాం), 21 జూలై (హి.స.)

అస్సాంలో వరద పరిస్థితి తీవ్రంగా మారడంతో ప్రజల భద్రతను దృష్టిలో ఉంచుకుని కర్బీ ఆంగ్లాంగ్ జిల్లా విపత్తు నిర్వహణ సంస్థ (DDMA) కీలక నిర్ణయం తీసుకుంది. జిల్లాలోని అన్ని జలపాతాల (వాటర్‌ఫాల్స్) పిక్నిక్ స్పాట్‌లను తదుపరి ఉత్తర్వులు వచ్చే వరకు మూసివేయాలని జిల్లా కలెక్టర్ కమ్ డీడీఎంఏ చైర్‌పర్సన్ అరణ్యక్ సైకియా ఆదేశాలు జారీ చేశారు. ప్రస్తుత పరిస్థితుల్లో ఎలాంటి ప్రాణ, ఆస్తి నష్టం జరగకుండా ముందస్తు జాగ్రత్తగా ఈ చర్యలు తీసుకున్నట్లు పేర్కొన్నారు.

మరోవైపు, నిరంతరంగా కురుస్తున్న వర్షాల కారణంగా టియోక్, కాకోజన్ ప్రాంతాలలో ఫ్లాష్ ఫ్లడ్స్ (హఠాత్తు వరదలు) వచ్చి పరిస్థితి విషమంగా మారింది. నేషనల్ హైవే 715 రహదారి వరద నీటిలో మునిగిపోవడంతో రవాణా వ్యవస్థకు తీవ్ర అంతరాయం ఏర్పడి ప్రయాణికులు తీవ్ర ఇబ్బందులు పడుతున్నారు. జోర్హాట్ ఫైర్ స్టేషన్ సిబ్బంది ఎనిమిది బోట్లతో సహాయక చర్యలను ముమ్మరం చేశారు. అస్సాం ముఖ్యమంత్రి హిమంత బిస్వా శర్మ మాట్లాడుతూ, రాష్ట్రంలోని 12 జిల్లాల్లో 1.70 లక్షల మందికి పైగా ప్రజలు ఈ వరదల వల్ల ప్రభావితమయ్యారని తెలిపారు. బాధితులను సురక్షిత ప్రాంతాలకు తరలించడానికి మరియు సహాయ కార్యక్రమాలను పర్యవేక్షించడానికి స్థానిక ఎమ్మెల్యేలు, ఎంపీలను క్షేత్రస్థాయిలో అందుబాటులో ఉండాలని ఆయన

---------------

హిందూస్తాన్ సమచార్ / Santhosha Laxmi