హైదరాబాద్, 23 జూలై (హి.స.)

రాష్ట్రంలోని విద్యాసంస్థలు ఎదుర్కొంటున్న వివిధ సమస్యల పరిష్కారం కోసం వామపక్ష విద్యార్థి సంఘాలు జూలై 24 శుక్రవారం నాడు తెలంగాణ వ్యాప్త బంద్‌కు పిలుపునిచ్చాయి. ఈ రాష్ట్రవ్యాప్త విద్యాసంస్థల బంద్ పిలుపును పరిగణనలోకి తీసుకున్న ఒస్మానియా యూనివర్సిటీ (OU) అధికారులు కీలక నిర్ణయం తీసుకున్నారు. రేపు (జూలై 24న) విశ్వవిద్యాలయ పరిధిలో జరగాల్సిన అన్ని రకాల పరీక్షలను తాత్కాలికంగా వాయిదా వేస్తున్నట్లు ఓయూ పరీక్షల నియంత్రణ అధికారి అధికారిక ప్రకటన విడుదల చేశారు. వాయిదా పడిన ఈ పరీక్షలను తిరిగి ఎప్పుడు నిర్వహిస్తారనే దానికి సంబంధించిన నూతన కాలపట్టికను (Revised Timetable) త్వరలోనే అధికారిక వెబ్‌సైట్‌లో వెల్లడిస్తామని అధికారులు స్పష్టం చేశారు. ఓయూ పరిధిలోని విద్యార్థులందరూ ఈ మార్పును గమనించాలని కోరారు

---------------

హిందూస్తాన్ సమచార్ / Santhosha Laxmi