పెద్దాపురం, 25 జూలై (హి.స.)

: కాకినాడ జిల్లా పెద్దాపురం నియోజకవర్గంలో జులై 27 నుంచి కూటమి ప్రభుత్వం అమలు చేసిన అభివృద్ధి, సంక్షేమ కార్యక్రమాలపై డోర్ టు డోర్ క్యాంపెయిన్ నిర్వహించనున్నారు. పెద్దాపురం నియోజకవర్గ ఎమ్మెల్యే నిమ్మకాయల చిన్న రాజప్ప ఆధ్వర్యంలో నాయకులు, కార్యకర్తలు నియోజకవర్గ స్థాయిలో ఈ కార్యక్రమం చేపట్టనున్నారు.

ప్రభుత్వ సంక్షేమ పథకాల విస్తృత ప్రచారం, ఇంటింటికీ పార్టీ కార్యక్రమాల నిర్వహణ, భవిష్యత్ కార్యాచరణ తదితర అంశాలపై శనివారం పెద్దాపురం కార్యాలయంలో జరిగిన సమావేశంలో సమగ్రంగా చర్చించారు. నియోజకవర్గంలో చేపట్టే ఈ కార్యక్రమాన్ని విజయవంతం చేయాలని పార్టీ నాయకులు, ప్రజాప్రతినిధులు, మండల, పట్టణ, గ్రామ స్థాయి నాయకులు, అనుబంధ విభాగాల ప్రతినిధులు, కార్యకర్తలకు ఎమ్మెల్యే నిమ్మకాయల చిన్న రాజప్ప పిలుపునిచ్చారు.

---------------

హిందూస్తాన్ సమచార్ / నిత్తల రాజీవ