డాక్టర్ బి.ఆర్. అంబేద్కర్ కోనసీమ జిల్లా, 28 జూలై (హి.స.)

డాక్టర్ బి.ఆర్. అంబేద్కర్ కోనసీమ జిల్లాలో ఈరోజు కురిసిన భారీ వర్షాల కారణంగా ఒక నివాస గృహం యొక్క పైకప్పు (శ్లాబ్) అకస్మాత్తుగా కూలిపడింది. ఈ దురదృష్టకర ప్రమాదంలో ఇంట్లో ఉన్న ఒక మహిళ శ్లాబ్ శిథిలాల క్రింద చిక్కుకుని అక్కడికక్కడే మరణించింది. జిల్లా వ్యాప్తంగా గత రెండు రోజులుగా ఎడతెరిపి లేకుండా కురుస్తున్న వర్షాల వల్ల పాత ఇళ్లు బాగా నానిపోయి బలహీనపడటమే ఈ ఘోరానికి కారణమని స్థానికులు చెబుతున్నారు. సమాచారం అందుకున్న రెవెన్యూ మరియు రక్షక దళాల అధికారులు ఘటనా స్థలానికి చేరుకుని శిథిలాలను తొలగించి మృతదేహాన్ని వెలికితీశారు. వర్షాల నేపథ్యంలో పాత, శిథిలావస్థకు చేరిన ఇళ్లలో నివసిస్తున్న ప్రజలు తక్షణమే సురక్షిత ప్రాంతాలకు లేదా పునరావాస కేంద్రాలకు వెళ్లాలని జిల్లా యంత్రాంగం హెచ్చరికలు జారీ చేసింది.

---------------

హిందూస్తాన్ సమచార్ / Santhosha Laxmi