హైదరాబాద్, 30 జూలై (హి.స.)

పార్లమెంట్ ఆవరణలో ప్రతిపక్ష పార్టీలు గురువారం (జూలై 30, 2026) భారీ నిరసన ప్రదర్శన చేపట్టాయి. ఇటీవల నీట్ (NEET) పేపర్ లీకేజీకి వ్యతిరేకంగా శాంతియుతంగా ఆందోళన చేస్తున్న విద్యార్థులపై పోలీసులు తీసుకున్న కఠిన చర్యలను ప్రతిపక్ష నేతలు తీవ్రంగా ఖండించారు. ప్రజాస్వామ్య దేశంలో విద్యార్థుల గొంతు నొక్కడం తగదని, వారిపై పెట్టిన కేసులను వెంటనే ఉపసంహరించుకోవాలని డిమాండ్ చేశారు.దీంతో పాటు, అయోధ్య రామ్ మందిర్ కానుకలు (చందా) మరియు నిధుల వినియోగానికి సంబంధించిన తాజా వివాదంపై కూడా ప్రతిపక్షాలు సభ వెలుపల, లోపల ప్రభుత్వాన్ని గట్టిగా నిలదీశాయి. ఆలయ ట్రస్ట్‌ వ్యవహారాల్లో పారదర్శకత లోపించిందని ఆరోపిస్తూ ప్లకార్డులతో నిరసన తెలిపారు. ఈ రెండు కీలక అంశాలపై పార్లమెంట్‌లో పూర్తిస్థాయి చర్చ జరగాలని, ప్రభుత్వం తక్షణమే సమాధానం చెప్పాలని ప్రతిపక్షాలు పట్టుబట్టడంతో ఉభయ సభల్లోనూ తీవ్ర గందరగోళం నెలకొంది.

---------------

హిందూస్తాన్ సమచార్ / Santhosha Laxmi