తెలంగాణ, 18 డిసెంబర్ (హి.స.)

తమిళనాడు రాష్ట్రంలోని తేని జిల్లాలో బుధవారం తెల్లవారుజామున ఘోర రోడ్డు ప్రమాదం చోటు చేసుకుంది. అయ్యప్ప స్వామి మాల విరమణ కి వెళ్తున్న అయ్యప్ప భక్తుల కారు మినీ లారీని ఢీకొట్టింది. ఈ ప్రమాదంలో కారులో ఉన్న ఇద్దరు అయ్యప్ప స్వాములు అక్కడికక్కడే మృతి చెందగా.. మరో ఇద్దరు స్వాములకు తీవ్ర గాయాలయ్యాయి. కాగా వారిని చికిత్స నిమిత్తం స్థానిక ఆస్పత్రికి తరలించగా.. పరిస్థితి విషమంగా ఉన్నట్లు డాక్టర్లు తెలిపారు. ఈ ప్రమాదంపై కేసు నమోదు చేసుకున్న పోలీసులు.. మృతులు తెలంగాణ ప్రాంతానికి చెందిన వారిగా గుర్తించారు. కాగా వారికి సంబంధించిన పూర్తి వివరాలు తెలియరాలేదు అని పోలీసులు తెలిపారు.

---------------

హిందూస్తాన్ సమచార్ / విడియాల వెంకటేశ్వర్ రావు, జర్నలిస్ట్