ముంబై, 12 నవంబర్ (హి.స.)

అంతర్జాతీయ మార్కెట్ల నుంచి అందిన ప్రోత్సాహంతో దేశీయ స్టాక్ మార్కెట్లు గురువారం స్వల్ప లాభాలతో ప్రారంభమై సానుకూలంగా కదలాడుతున్నాయి. ఉదయం 9:22 గంటల సమయానికి బీఎస్ఈ సెన్సెక్స్ 142 పాయింట్లు పుంజుకుని 81,997 వద్ద ట్రేడవుతోంది. ఎన్ఎస్ఈ నిఫ్టీ 39 పాయింట్లు లాభపడి 25,294 స్థాయికి చేరింది. గత ట్రేడింగ్ సెషన్ లో అమెరికా స్టాక్ మార్కెట్లు మంచి లాభాలను నమోదు చేశాయి. ఎస్ అండ్ పీ 500 సూచీ 1.31 శాతం పెరగగా, టెక్నాలజీ షేర్లకు ప్రాధాన్యమున్న నాస్డాక్ 1.6 శాతం పుంజుకుంది. ఈ పరిణామాలు ఆసియా మార్కెట్లతో పాటు దేశీయ స్టాక్ మార్కెట్లపైనా సానుకూల ప్రభావం చూపుతున్నాయి. అంతర్జాతీయ మార్కెట్లలో నెలకొన్న పరిణామాలను ఇన్వెస్టర్లు నిశితంగా పరిశీలిస్తున్నారు. అంతర్జాతీయ ఆర్థిక పరిస్థితులకు సూచికగా భావించే అమెరికా డాలర్ ఇండెక్స్ 103 స్థాయిలో కొనసాగుతోంది. ముడిచమురు మార్కెట్లో బ్రెంట్ క్రూడ్ ధర బ్యారెల్ కు 91.75 డాలర్లుగా నమోదైంది.

హిందూస్తాన్ సమచార్ / సంపత్ రావు, జర్నలిస్ట్..