అమరావతి , 03 నవంబర్ (హి.స.)

ఆంధ్రప్రదేశ్లో ఉపాధ్యాయ ఉద్యోగాల కోసం ఎదురుచూస్తున్న అభ్యర్థులకు ప్రభుత్వం శుభవార్త అందించనుంది. రాష్ట్రంలో డీఎస్సీకి సంబంధించిన పూర్తిస్థాయి నోటిఫికేషన్ను నేడు విడుదల చేయనున్నారు. మొత్తం 2,721 ఉపాధ్యాయ పోస్టుల భర్తీకి ఈ నోటిఫికేషన్ జారీ చేయనున్నట్లు సమాచారం. ఇప్పటికే ఉద్యోగ నియామకాలపై ఆసక్తిగా ఎదురుచూస్తున్న అభ్యర్థులకు ఈ ప్రకటన ప్రాధాన్యత సంతరించుకుంది.

నోటిఫికేషన్ విడుదలైన తర్వాత పోస్టుల వారీగా ఖాళీల వివరాలు, జిల్లాల వారీగా నియామకాల సమాచారం, అర్హత ప్రమాణాలు, దరఖాస్తుల స్వీకరణ తేదీలు వంటి అంశాలపై స్పష్టత రానుంది. అలాగే పరీక్ష విధానం, ఎంపిక ప్రక్రియ, వయోపరిమితి, అవసరమైన విద్యార్హతలకు సంబంధించిన పూర్తి వివరాలు కూడా అధికారిక ప్రకటనలో వెల్లడయ్యే అవకాశం ఉంది.

డీఎస్సీకి సిద్ధమవుతున్న అభ్యర్థులు నోటిఫికేషన్లో పేర్కొన్న నిబంధనలను జాగ్రత్తగా పరిశీలించాలని విద్యాశాఖ వర్గాలు సూచిస్తున్నాయి. దరఖాస్తు ప్రక్రియ ప్రారంభమైన తర్వాత ఎలాంటి తప్పులు లేకుండా వివరాలను నమోదు చేసుకోవాల్సి ఉంటుంది. అధికారిక వెబ్సైట్లో అందుబాటులోకి వచ్చే మార్గదర్శకాలను అనుసరించాలని అభ్యర్థులకు సూచిస్తున్నారు. మొత్తం మీద 2,721 పోస్టుల భర్తీకి నేడు వెలువడనున్న డీఎస్సీ నోటిఫికేషన్పై నిరుద్యోగుల్లో ఆసక్తి నెలకొంది.

---------------

హిందూస్తాన్ సమచార్ / పుట్టా సుమన్