న్యూఢిల్లీ 03 నవంబర్ (హి.స.)

కేంద్ర న్యాయ మంత్రిత్వ శాఖ పరిధిలోని

న్యాయశాఖ విభాగం (Department of Justice) ఆధ్వర్యంలో ‘ఈ-ఫైలింగ్ 3.0: ప్రక్రియ నుండి ఆచరణ వరకు’ (eFiling

3.0: From Process to Practice) అనే

అంశంపై బుధవారం (నవంబర్ 4, 2026) న్యూఢిల్లీలోని

విజ్ఞాన్ భవన్‌లో జాతీయ వర్క్‌షాప్‌ను నిర్వహించనున్నారు.ఈ-కోర్టుల మిషన్ మోడ్ ప్రాజెక్ట్‌లో

భాగంగా సాంకేతికత ద్వారా న్యాయసేవలను మరింత సులభతరం చేసే దిశగా ఈ సదస్సును నిర్వహిస్తున్నారు.

ఈ కార్యక్రమానికి కేంద్ర చట్టం మరియు

న్యాయ శాఖ సహాయ మంత్రి (స్వతంత్ర హోదా) అర్జున్ రామ్ మేఘ్‌వాల్ ముఖ్య అతిథిగా

హాజరుకానున్నారు.ఈ సదస్సులో సుప్రీంకోర్టు ఈ-కమిటీ సభ్యులతో పాటు నేషనల్

ఇన్ఫర్మాటిక్స్ సెంటర్ (NIC) ప్రతినిధులు

పాల్గొని ప్రభుత్వ అధికారులకు ఈ-ఫైలింగ్ 3.0 ప్లాట్‌ఫారమ్ వాడకం, ఈ-కోర్ట్స్ సింగిల్ సైన్-ఆన్ (SSO),

మరియు ఈ-కోర్ట్స్

సేవల మొబైల్ యాప్‌పై సాంకేతిక శిక్షణ ఇవ్వనున్నారు.ప్రభుత్వ శాఖలు, ప్రభుత్వ రంగ సంస్థల్లో (PSUs) కాగిత రహిత న్యాయ ప్రక్రియలను

ప్రోత్సహించడం, కోర్టు

కేసుల ఫైలింగ్‌లో పారదర్శకత మరియు వేగాన్ని పెంచడమే లక్ష్యంగా ఈ వర్క్‌షాప్

సాగనుంది.

---------------

హిందూస్తాన్ సమచార్ / Santhosha Laxmi