నెల్లూరు , 13 జూన్ (హి.స.)

నెల్లూరు జిల్లాలో వర్షాకాలం ప్రారంభమై రైతులు సాగు పనులకు సిద్ధమవుతున్న వేళ యూరియా కొరత, ప్రభుత్వ నిర్లక్ష్యం అంటూ జరుగుతున్న ప్రచారంపై టీడీపీ ఎమ్మెల్యే ప్రశాంతి రెడ్డి తీవ్రంగా స్పందించారు. యూరియా కొరత ఉందంటూ కొందరు ఉద్దేశపూర్వకంగా తప్పుడు ప్రచారం చేస్తున్నారని ఆమె ఆరోపించారు.

ఈ సందర్భంగా మాజీ ఎమ్మెల్యేలు కాకాణి గోవర్ధన్ రెడ్డి, నల్లపురెడ్డి ప్రసన్న కుమార్ రెడ్డిలపై ప్రశాంతి రెడ్డి విమర్శలు గుప్పించారు. రైతులను తప్పుదారి పట్టించేలా యూరియా లభ్యతపై అసత్య ప్రచారం చేస్తున్నారని ఆమె మండిపడ్డారు. జిల్లాలో ఎలాంటి యూరియా కొరత లేదని, రైతుల అవసరాలకు సరిపడా నిల్వలు అందుబాటులో ఉన్నాయని స్పష్టం చేశారు.

కొంతమంది రాజకీయ ప్రయోజనాల కోసం రైతుల్లో గందరగోళం సృష్టించే ప్రయత్నం చేస్తున్నారని ఆమె ఆరోపించారు. రైతులు వదంతులను నమ్మకుండా అధికారుల సూచనలు పాటించాలని కోరారు. ప్రభుత్వం వ్యవసాయ రంగానికి అవసరమైన ఎరువులు, విత్తనాలు సమృద్ధిగా అందుబాటులో ఉంచిందని తెలిపారు.

---------------

హిందూస్తాన్ సమచార్ / Santhosha Laxmi